MEDIA INTERESANTE

Ajo ka realizuar koleksionin e 3 dhe të fundit për “Pepa jeans” dhe me atë rast realizoi edhe disa foto që na rikthyen temperaturat e verës.

Në postimin e saj kanë vërshuar mijëra komente, sigurisht nxitur edhe nga fakti se nuk ndodh shpesh që Dua të na befasojë me postime të tilla.

Pak ditë më parë Dua jonë është nominuar për “ARIA Awards 2020”  në kategorinë “Artisti më i mirë internacional”, dhe për këtë ka ndikuar jo pak albumi i saj “Future Nostalgia”, që bëri jo pak bujë.

Mbrëmja më e madhe e ndarjes së çmimeve në Australi do të transmetohet në Channel Nine më 25 nëntor.

Po ashtu Dua, së bashku me The Weeknd, Michael Kiwanuka dhe Beyoncé kryesojnë nominimet për “Music video awards” në Mbretërinë e Bashkuar.

Dua mban fronin me tetë nominime, duke përfshirë dy për ‘Video më të Mirë Pop’ me ‘Physical’ dhe ‘Break My Hear’, ndërsa një video e saj me 5 hitet e “Don’t start now” e regjistruar në Los Anxhelos, është nominuar për ‘Videon më të mirë live’.

Pas publikimit të albumit të saj të dytë “Future Nostalgia” në mars që mori vetëm vlerësime pozitive nga kritikët dhe u përqafua menjëherë nga publiku, menduam se kishte ardhur koha që Dua të merrte disa pushime për të shijuar një sukses të merituar.

Përkundrazi, në gusht Dua Lipa dhe Blessed Madonna kanë publikuar albumin e ri, i cili është remix i “Future Nostalgia”.

Albumi, i quajtur Club Future Nostalgia, përmban këng me Madonna, Missy Elliott, BLACKPINK, dhe Gwen Stefani, si dhe remixe nga Yaeji, Moodymann, Mark Ronson, Jayda G, Joe Goddard, Z. Fingers, etj.

Artistja shqiptare më e suksesshme në tregun ndërkombëtar ishte në mëdyshje nëse duhet të lançonte albumin e saj gjatë karantinës, megjithatë e publikoi dhe ishte një nga vendimet më të mira që ka marrë.

Kjo pasi frytet e super suksesit të këtij albumi kanë filluar të ndjehen dhe po i japin mundësi Duas të thyejë shumë rekorde.

Kujtojmë se po ashtu Dua është nominuar për “Mercury Prize”, një nga çmimet më të rëndësishme në Britani që vlerëson albumin më të mirë, duke u bërë artistja e parë shqiptare që nominohet për një çmim të tillë.

“Future Nostalgia” duket se ia ka dalë të triumfojë brenda pak kohësh, teksa për javë të tëra ka qëndruar në vend të parë, si albumi më i dëgjuar në Britani.

Leonardo DiCaprio, Jennifer Lawrence, Meryl Streep dhe Timothy Shalame do të luajnë në filmin e ri të Adam McKay "Don't Look Up", prodhuar nga Netflix.

Përveç tyre, rolet iu dhanë Johnny Hill, Cate Blanchett, Ariana Grande, Kid Cudi, Matthew Perry, Himesh Patel dhe Rob Morgan, i cili, sipas mediave amerikane, është ylli më i filmit në një film që nga "Ocean’s 11 i Steven Soderberg.

Filmi bëhet fjalë për dy astronomë të cilët po përpiqen të paralajmërojnë njerëzimin për një asteroid që mund të shkatërrojë Tokën. Rolin e astronomëve në film do ta luajnë Leonardo DiCaprio dhe Jennifer Lawrence, por Netflix nuk deshi të konfirmojë këtë informacion, shkruan revista "Variety".

Xhirimet duhet të fillojnë deri në fund të vitit. Filmi i mëparshëm i Adam McKay, "Vice”, për ish-zëvendëspresidentin e SHBA-së Dick Cheney, u nominua për tetë çmime Oscar, përfshirë filmin më të mirë, por ai fitoi çmimin vetëm për make-up.

Në vitin 2015, McKay fitoi çmimin Oscar për skenarin më të mirë të adaptuar për filmin "The Big Short", në lidhje me mashtrimet financiare që çuan në krizën financiare globale në vitin 2007

Këto zbulime sugjerojnë që përdorimi i lagështuesve mund të lehtësojë përhapjen e infeksionit në kushte ku ventilimi i rregullt i dhomës duke hapur dritare nuk është i mundur, tregon një studim i përbashkët i kryer nga Universiteti Ricken dhe Kobe.

Shkencëtarët përdorën super-kompjuterin Fugaku për të simuluar emetimin dhe rrjedhën e grimcave të vogla (aerosole) të njerëzve të infektuar në hapësira të ndryshme të mbyllura.

Lagështia nën 30 për qind e dyfishon sasinë e aerosolit krahasuar me lagështinë prej 60 për qind ose më shumë, treguan simulimet.

Studimi më tej tregoi se mburojat transparente të fytyrës nuk janë aq efektive sa maskat në parandalimin e përhapjes së aerosoleve.

Kërkime të tjera gjithashtu kanë konfirmuar se nëse uleni në një tryezë në shoqëri, ekziston një rrezik më i lartë i infektimit nga njerëzit që ulen në të majtë ose në të djathtë sesa nga njerëzit përtej tryezës.

Ajo gjithashtu tregoi se numri i këngëtarëve në kor duhet të jetë i kufizuar dhe se ata duhet të mbajnë një distancë.

Një ekip hulumtues i udhëhequr nga Makoto Cubokura më parë përdori super- kompjuterin Fugaku për të simuluar infeksionin e koronavirusit në trena, vendet e punës dhe shkolla.

Në shtetet dhe rajonet tjera të vendit në periudhën e fundit nuk janë shënuar vdekje nga COVID-19, ndërsa në Victoria që lufton me valën e dytë të virusit ka humbur jetën një person, si dhe janë infektuar 12 të tjerë.

Daniel Andrews, kryeministri i shtetit Victoria, në konferencën për media në Melbourne tha se ne 24 orët e fundit një pacient 70-vjeçar ka humbur jetën nga COVID-19, kështu që numri i të vdekurve në këtë shtet është rritur në 811.

Ai tha se në shtet ka 187 raste aktive, 13 prej të cilëve nuk u dihet burimi, ndërkaq 23 persona po trajtohen në spitale.

Vdekjet në mbarë vendin janë rritur në 899

Me vdekjen në Victoria numri i vdekjeve të shkaktuar nga virusi është rritur në 899 në mbarë vendin.

Gjithashtu vdekje janë shënuar edhe në Uellsin e Ri Jugor (NSW) 53, në Tazmani 13, në Australinë Perëndimore 9, në Queensland 6, në Australinë Jugore 4 dhe në Rajonin e Kryeqytetit të Australisë 3.

Prej 27.311 të infektuarve në mbarë vendin 24.869 janë shëruar, kurse prej 265 rasteve aktive 32 vazhdojnë të trajtohen në spitale.

NSW shënon rritje në numrin e rasteve

NSW është shteti që shënoi më së shumti vdekje dhe raste pas Victoria. Në NSW në 24 orët e fundit janë kryer 8.600 teste prej të cilëve 13 kanë rezultuar pozitiv.

Ministria e Shëndetësisë e NSW njoftoi se 6 prej të infektuarve në vend kanë ardhur nga jashtë vendi.

Zyrtarët shëndetësor bënë thirrje që të qëndrohet larg vendeve me intensitet të lartë me virusin, si dhe të bëjnë test ato që kanë simptomat më të lehta.

Në Zelandën e Re vetëm një person i infektuar me COVID-19

Ministria e Shëndetësisë e Zelandës së Re njoftoi se në 24 orët e fundit një person i kthyer nga SHBA-të ka rezultuar pozitiv.

Numri i rasteve aktive në vend ka rënë në 39 pasi edhe 6 persona janë shëruar, njoftoi ministria, duke shtuar se në spitale nuk gjenden pacientë me COVID-19.

Të gjithë rastet aktive në Zelandën e Re përbëhen nga ato që vijnë prej jashtë vendit.

Në Zelandën e Re deri më tani janë infektuar 1.872 persona prej të cilëve 1.808 janë shëruar dhe 25 kanë humbur jetën.